Bakı. 4 aprel. REPORT.AZ/ İraqın paytaxtı Bağdadın şimalında törədilən partlayış nəticəsində azı 10 nəfər ölüb, 12 nəfər xəsarət alıb.
"Report" xəbər verir ki, bu haqda "Sinxua" agentliyi məlumat yayıb.
Məlumata görə, terrorçu-kamikadze xəstəxana yaxınlığındakı nəzarət-buraxılış məntəqəsinin yaxınlığında insanların sıx olduğu yerdə özünü partladıb.
Hadisənin məsuliyyətini hələ ki, heç bir qruplaşma üzərinə götürməyib.