İraqda 90-a yaxın şəxs xlor sızmasından zərər çəkib

İraqın şərqində yerləşən Əl-Kut şəhərində xlor sızması nəticəsində təqribən 90 nəfərdə boğulma halı qeydə alınıb.

“Report” RİA "Novosti"yə istinadən xəbər verir ki, bu barədə Səhiyyə Nazirliyinin nümayəndəsi Seyf əl-Bədrə istinadən "Al-Sumaria" telekanalı məlumat yayıb.

"Vasit əyalətinin Əl-Kut şəhərində sutəmizləyici stansiyada xlor sızması nəticəsində təqribən 90 nəfər zərər çəkib", - deyə Əl-Bədr bildirib.

Onun sözlərinə görə, boğulma halları mülayimdən orta səviyyəyə qədər dəyişir.