Yuxarı

İraq parlamenti Kərkükdəki neft yataqlarının Bağdadın nəzarəti altına qaytarılmasına dair göstəriş verib

İraq parlamenti Kərkükdəki neft yataqlarının Bağdadın nəzarəti altına qaytarılmasına dair göstəriş verib
Hökumət Kərkük və mübahisəli zonalardakı yataqları Federal Neft Nazirliyinin nəzarətinə geri qaytarmalıdır
© AP Photo / Khalid Mohammed

Bakı. 27 sentyabr. REPORT.AZ/ İraq parlamenti hökumətə Kərkük əyalətindəki neft yataqlarını Bağdadın nəzarəti altına qaytarmağa dair göstəriş verib. 

Bu barədə "Report" xarici mətbuata istinadən xəbər verir.

"Hökumət Kərkük və mübahisəli zonalardakı yataqları Federal Neft Nazirliyinin nəzarətinə geri qaytarmalı və bu bölgələrdə fəaliyyət göstərən heç bir partiyanın əraziləri nəzarəti altına almasına imkan verməməlidir", - sənəddə deyilir.

Daha əvvəl xəbər verildiyi kimi parlament baş nazir Hayder əl-Abadiyə Kərkükün mübahisəli bölgələrinə qoşun göndərməyi tapşırıb.

Qeyd edək ki, sentyabrın 25-də İraqın şimalında müstəqillik haqqında "referendum" keçirilib. Referendumun yekun nəticələri sabah açıqlanacaq.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi