Bakı. 27 sentyabr. REPORT.AZ/ Amerika və ya kiminsə əsgərləri əvəzinə, İraqa silah-sursat, kəşfiyyat məlumatları və əsgərlərə təlim keçilməsi lazımdır.
"Report" xəbər verir ki, bunu cümə günü İraqın xarici işlər naziri İbrahim əl-Cəfəri deyib.
"İraq heç kimdən gəlib bizim torpaqlarda iraqlıların yerinə döyüşəcək əsgər göndərmələrini xahiş etməyib. İraqın ehtiyac duyduğu havadan dəstək, silah-sursat və təchizat, kəşfiyyat məlumatlarıdır, lakin quru qoşunları və ABŞ-ın yaxud hansısa başqa bir ölkənin hərbi bazaları heç bir halda lazım deyil", - deyə Nyu-Yorkda səfərdə olan nazir söyləyib.