İranda Çin sahillərində tankerin batması ilə əlaqədar matəm elan edilib

Bakı. 14 yanvar. REPORT.AZ/ İranda Çin sahillərində tankerin batması ilə əlaqədar matəm elan edilib.

"Report"un məlumatına görə, bu barədə "IRNA" agentliyi xəbər verib.

"İran tankerdə ölənlərlə bağlı milli matəm elan edib", - deyə xəbərdə bildirilir.

İrana məxsus neft tankeri yanvarın 7-də Çinin şərq sahillərində Honkonqun yük gəmisi ilə toqquşub. Bundan sonra tankerdə güclü yanğın və partlayış baş verib.

Daha sonra məlum olub ki, tankerin 29 heyət üzvü həlak olub.