İran və "beşlik" ölkələri şirkətlərini ABŞ sanksiyalarından qorumağa razılaşıblar

Bakı. 6 iyul. REPORT.AZ/ İran və "beşlik" ölkələri (Rusiya, Çin, Fransa, Böyük Britaniya, Almaniya) öz şirkətlərini ABŞ sanksiyalarından qorumağa razılaşıblar. 

"Report" TASS-a istinadən xəbər verir ki, bu barədə həmin ölkələrin xarici işlər nazirlərinin Vyanada keçirilən iclasının yekununa dair bəyanatında bildirilib.

Tərəflər həmçinin İrandan neft və qaz ixracı ilə bağlı öz öhdəliklərini təsdiqləyiblər.

Qeyd edək ki, İran, Rusiya, Çin, Fransa, Böyük Britaniya və Almaniya Tehranla nüvə proqramı ilə bağlı imzalanmış Əhatəli Birgə Fəaliyyət Planına dair nazirlər səviyyəsində komissiya yaradıblar.