“İnterpol”un keçmiş rəhbəri korrupsiyada şübhəli bilinir

Bakı. 8 oktyabr. REPORT.AZ/ “İnterpol”un istefa vermiş rəhbəri, Çin Xalq Respublikasının (ÇXR) ictimai təhlükəsizlik nazirinin müavini Men Xunbey korrupsiya və başqa cinayətlərdə şübhəli bilinir.

“Report” TASS-a istinadən xəbər verir ki, bu barədə Çinin İctimai Təhlükəsizlik Nazirliyi məlumat yayıb.

Qeyd olunub ki, Çin Xalq Respublikasının Dövlət Şurasının üzvü, Çin Xalq Respublikası İctimai Təhlükəsizlik Nazirliyi partiya komitəsinin başçısı Çjao Keçji oktyabrın 8-də partiya təşkilatının iclasında Men Xunveyin rüşvət almaqda və başqa cinayətlərdə şübhəli bilindiyi haqqında məlumat verib.

Nazirliyin məlumatına görə, bununla bağlı Dövlət Nəzarət Komitəsi araşdırma aparır.