İndoneziyada sentyabrın 26-da baş vermiş zəlzələ zamanı ölənlərin sayı 30-a çatıb.
"Report" TASS-a istinadən xəbər verir ki, bu barədə "Sinxua" agentliyi İndoneziyanın Təbii Fəlakətlərlə Mübarizə üzrə Yerli İdarəsinin əməkdaşına istinadən məlumat yayıb.
Bildirilir ki, təbii hadisə zamanı 156 nəfər xəsarət alıb. Təxminən 25 min insan evlərini tərk etməyə məcbur olub.
Daha əvvəl "Agence France-Presse" zəlzələ zamanı 19 bəfərin həlak olduğunu, azı 100 nəfərin xəsarət aldığını bildirib.
Qeyd edək ki, zəlzələ Maluku əyalətində 6,5 bal gücündə baş verib. Məlumata görə, zəlzələ nəticəsində iki universitet, iki xəstəxana binası, bir körpü və 100-dən artıq ev zərər çəkib.