İndoneziyada torpaq sürüşməsi nəticəsində azı 12 nəfər ölüb

Bakı. 10 fevral. REPORT.AZ/ İndoneziyanın Bali adasında baş verən torpaq sürüşməsi nəticəsində azı 12 nəfər ölüb, 5 nəfər xəsarət alıb.

“Report” “France Press”ə istinadən xəbər verir ki, bu barədə İndoneziyanın Təbii Fəlakətlərin Nəticələrinin Aradan Qaldırlması üzrə Milli İdarəsi məlumat yayıb. 

Ölənlərdən üçü uşaqdır.

İnformasiyaya əsasən, adanın mərkəzi hissəsində yerləşən 3 kəndə leysan yağıb. Nəticədə sürüşmə baş verib. 

Leysan fevralın 12-dək davam edəcək.