İlon Mask 61 milon dollarlıq ipoteka krediti götürüb

Bakı. 23 fevral. REPORT.AZ/ "SpaceX" şirkətinin rəhbəri İlon Mask "Morgan Stanley" bankından 61 milyon dollar məbləğində ipoteka götürüb.

“Report” xəbər verir ki, amerikalı iş adamı krediti 30 il ərzində ödəyəcək.

Kredit üzrə aylıq ödəniş 180 min dollar təşkil edir.

"Bloomberg"in məlumatına görə, Kaliforniya ştatında bir neçə daşınmaz əmlakın alınması üçün təqribən 50 milyon dollar məbləğində kreditlər ötən ilin sonunda razılaşdırılıb.

Mask həmçinin 2012-ci ildə götürdüyü ipoteka kreditini yenidən maliyyələşdirib. Bu, öz növbəsində, banka borc məbləğini artırıb.