Hindistanda təbii fəlakət nəticəsində 511 nəfər ölüb, 55 min ev dağılıb

Bakı. 18 iyul. REPORT.AZ/ Hindistanda Musson yağışları nəticəsində 511 nəfər ölüb, 176 nəfər xəsarət alıb.

“Report” “Anadolu” agentliyinə istinadən xəbər verir ki, bu barədə Hinsdistanın Su Ehtiyatları üzrə Mərkəzi Komissiyası məlumat yayıb.

Bildirilib ki, əlverişsiz hava şəraiti ölkənin 91 bölgəsini əhatə edib, 55 min ev dağılıb, bir milyondan çox iri buynuzlu mal-qara suda boğularaq tələf olub.

Hindistanda son 64 ildə ilk dəfədir belə güclü leysan yağır.