Bakı. 1 dekabr. REPORT.AZ/ Hindistanın Maxaraştra ştatının xəstəxanaları 400-ə qədər insanı zəhərlənmə əlamətləri ilə müalicəyə qəbul edib.
"Report"-un RİA Novosti-yə istinadən verdiyi məlumata görə, bu hadisəni çaya kimyəvi maddələrin tökülməsi ilə əlaqələndiriblər.
Məlumata görə, xəstələr çətin nəfəsalma, bədən ağrıları və başgicəllənmədən şikayət ediblər.
Ulxanqar şəhərinin həkimləri bildiriblər ki, zərərçəkənlər hansısa kimyəvi maddənin təsirinə məruz qalıblar.
Sakinlərdən yerli administrasiyaya daxil olan şikayətə əsasən, çaya naməlum yük avtomobilləri hansısa maddə atıb və bundan sonra çayın üzərində qatı duman əmələ gəlib.