Yuxarı

Çində yaşayış binası uçub, dağıntılar altında qalanlar var

Hadisə nəticəsində 10-dan çox insan dağıntılar altında qalıb

Bakı. 16 fevral. REPORT.AZ/ Çinin şərqində yaşayış binası uçub.

"Report" TASS-a istinadən xəbər verir ki, hadisə Fuçjou şəhərində, yerli vaxtla saat 05:50-də baş verib.

Hadisə nəticəsində 10-dan çox insan dağıntılar altında qalıb. Əraziyə xilasedicilər cəlb olunub. Onlar 7 nəfəri dağıntılar altından çıxarıblar. Həkimlər yaralılara ilkin tibbi yardım göstəriblər. Xəsarət alanların hamısı yaxınlıqdakı xəstəxanaya yerləşdirilib.

Polis hadisənin başvermə səbəbini araşdırır, faktla bağlı təhqiqat aparılır. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Bu xəbər həm də başqa dillərdə mövcuddur:

Xəbər lenti

Son xəbərlər



Orphus sistemi