Yuxarı

Kolumbiyada bayram mərasimində qumbara partladılıb, onlarla yaralı var

Hadisə El-Baqr şəhərindəki barlardan birində baş verib

Bakı. 25 dekabr. REPORT.AZ/ Kolumbiyada bayram mərasimində qumbara partladılıb.

"Report" xəbər verir ki, bu barədə "El Tiempo" nəşri xəbər verib.

Xəbərdə bildirilir ki, hadisə El-Baqr şəhərindəki barlardan birində baş verib. Məlumata görə, qumbara çoxlu sayda gəncin bara toplanması zamanı partladılıb. Hadisə nəticəsində azı 29 nəfər yaralanıb.

İlkin məlumata görə, hadisə şəhərin kriminal qruplaşmalarının qarşıdurması ilə əlaqədar ola bilər. Hadisənin digər təfərrüatları açıqlanmır. 

Daha əvvəl Kolumbiyanın cənub-qərbində yerləşən Putumayo departamentində neft kəmərinin bir hissəsi naməlum şəxslər tərəfindən partladılıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi