Gennadi Kuzmin: Suriyada 3 minə yaxın İŞİD terrorçusu var

Hazırda Suriyada İŞİD terror təşkilatı və onun tərəfdarlarının 3 minə yaxın yaraqlısı var.

“Report” xəbər verir ki, bunu BMT Təhlükəsizlik Şurasının iclasında çıxışı zamanı Rusiyanın BMT yanında daimi nümayəndəsinin müavini Gennadi Kuzmin deyib.

"Hazırda Suriya ərazisində İŞİD-çilər və onların tərəfdarlarının ümumi sayı təqribən 3 min nəfər təşkil edir", - deyə o bildirib.

Rusiya rəsmisi qeyd edib ki, Suriyada həmçinin çoxlu sayda başqa terror qruplaşmaları da fəaliyyət göstərir.