Bakı. 5 dekabr. REPORT.AZ/ Fransanın Korsika adasının şərqindəki Bastiya-Poretta hava limanında baş verən atışma nəticəsində bir nəfər ölüb, iki nəfər yaralanıb.
"Report" BFMTV telekanalına istinadən xəbər verir ki, hadisə hava limanının avtoparkında baş verib.
Yaralılardan birinin vəziyyəti ağırdır.
Telekanalın mənbələrinin verdiyi informasiyaya görə, hadisə yerindən bir avtomobil yüksək sürətlə ayrılıb.
Hava limanında olanlar evakuasiya edilməyiblər.