Bakı. 28 noyabr. REPORT.AZ/ Burkina-Fasonun paytaxtı Uaqaduqu şəhərində Fransa nümayəndə heyətinin avtobusunu daş-qalaq ediblər.
"Report" "RİA Novosti"yə istinadən xəbər verir ki, bu barədə Fransa prezidentinin mətbuat katibi Bruno Rojer-Peti bildirib.
Xatırladaq ki, dünən axşam Fransa prezidenti Emmanuel Makron Afrika turnesinin birinci mərhələsi çərçivəsində Burkina-Fasoya səfər edib.
B.Rojer-Petinin sözlərinə görə, hadisə baş verən zaman E.Makron Burkina-Faso prezidenti Rok Mark Kristian Kabore ilə görüşdə olub.
Nümayəndə heyətini daşıyan mikroavtobusun şüşələri qırılıb.