Yuxarı

Floridada məktəblilərə atəş açan yeniyetmə bu gün məhkəmə qarşısına çıxacaq

Floridada məktəblilərə atəş açan yeniyetmə bu gün məhkəmə qarşısına çıxacaq
Kruzun sabiq sinif yoldaşları onun bu hərəkətinin gözlənilən olduğunu hesab edirlər

Bakı. 15 fevral. REPORT.AZ/ Florida ştatının Parklend şəhərində məktəblilərə atəş açan Nikolas Kruz bu gün məhkəmə qarşısına çıxacaq. 

"Report" xarici KİV-ə istinadən xəbər verir ki, bu barədə vəkillər məlumat veriblər.

Yerli KİV-in məlumatına görə, hüquq-mühafizə orqanları əməkdaşları atəş açan şəxsin yaşadığı evdə və açıqlanmayan digər yerlərdə axtarışlar aparırlar.

Kruzun məktəbdə atəş açarkən istifadə etdiyi "AR-15" tüfəngini odlu silahı satın almaq hüququ üçün sınaqdan keçdikdən sonra 2017-ci ildə əldə etdiyi müəyyənləşdirilib.

Kruzun istifadə etdiyi kompüter saytlarını araşdıran polis çox sayda müxtəlif tip silahların fotoşəkilini və digər materiallar aşkar edib və bu amil polisə Kruzun şiddətə meylli olduğu düşünməyə əsas verir.

Kruzun sabiq sinif yoldaşları onun bu hərəkətinin gözlənilən olduğunu hesab edirlər. Məktəblilərdən biri CNN telekanalına açıqlamasında Kruzun hər zaman üzərində silah gəzdirdiyini və hətta onu nümayiş etdirdiyini bildirib.

Yerli şerifin jurnalistlərə verdiyi məlumata görə, 19 yaşlı Kruz əvvəllər məktəb şagirdi olub, ancaq intizamsızlıqla əlaqədar məktəbdən xaric edilib.

Həkimlərin bildirdiyinə görə, yerli xəstəxanaya çatıdırılanlardan 5-nin vəziyyəti ağırdır, həyati təhlükə qalmaqdadır. Digər 10 nəfərin vəziyyəti isə həyat üçün təhlükəli deyil.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi