Finlandiya prezidenti əməliyyat olunub

Bakı. 17 iyul. REPORT.AZ/ Finlandiya prezidenti Sauli Niiniste cərrahi əməliyyat olunub.

"Report" xarici mətbuata istinadən xəbər verir ki, bu barədə dövlət başçısının dəftərxanası məlumat yayıb.

Məlumatda bildirilir ki, Yorvidəki xəstəxanada baş tutan əməliyyat uğurlu olub. Artıq ölkə prezidenti evə buraxılıb. Lakin buna baxmayaraq, onun tam sağalma dövrü bir həftə davam edəcək.

Həkimlər prezidentə səfərə, səyahətə çıxmamağı tövsiyə ediblər. Ancaq o, sağalma dövründə gündəlik işi ilə məşğul ola bilər.