Fici sahillərində 5,5 bal gücündə zəlzələ baş verib

Seysmoloqlar Fici sahillərində 5,5 bal gücündə zəlzələnin baş verdiyini qeydə alıblar.

“Report” xəbər verir ki, bu barədə ABŞ Geoloji Xidməti məlumat yayıb.

Yeraltı təkanların episentrinin Lautoka şəhərindən 129 kilometr şimal-şərqdə, ocağının 10 kilometr dərinlikdə yerləşdiyi bildirilir.

Dağıntılar və zərərçəkənlər barədə məlumat verilmir. 

Bundan əvvəl Kamçatka yarımadasının şərq sahillərində 4,8 bal gücündə zəlzələ qeydə alınıb.