Fələstin Səhiyyə Nazirliyi: “İsrail hərbçiləri Qəzza bölgəsi ilə sərhəddə 183 nəfər öldürüb”

Bakı. 21 sentyabr. REPORT.AZ/ Bu il martın 30-dan indiyədək İsrail Fələstinlə sərhəd bölgələrində keçirilən aksiyalarda 32-si uşaq olmaqla 183 fələstinlini öldürüb.

“Report” "TRT Haber"ə istinadən xəbər verir ki, bu barədə Fələstin Səhiyyə Nazirliyi məlumat yayıb.

Bildirilib ki, bu müddət ərzində 11 679 nəfər yaralanıb, 8 481 nəfər isə gözyaşardıcı qazdan zəhərlənib. 

Nazirlikdən 443 yaralının vəziyyətinin ağır olduğu vurğulanıb.