Ərəb koalisiyası Yəməndə hərbi əməliyyatlara başlayıb

Səudiyyə Ərəbistanının başçılıq etdiyi ərəb koalisiyası Yəməndə, Hudeydə şəhərinin şimalında hərbi əməliyyatlara başladığını bəyan edib. 

“Report” xəbər verir ki, bu barədə “Arab News” məlumat yayıb.

Əməliyyatlar hərbi obyektlərə qarşı keçirilir. Mülki şəxslərə hədəf alınan obyektlərdən uzaq olmaları barədə xəbərdarlıq edilib.

Artıq Koalisiya qüvvələri pilotsuz gəmilər və dəniz minalarının olduğu dörd obyektin məhv edildiyini açıqlayıb.