Bakı. 14 noyabr. REPORT.AZ/ Səudiyyə Ərəbistanının başçılıq etdiyi Ərəb koalisiyanın hava hücumları nəticəsində Yəmənin cənub-qərbində yerləşən Yarim şəhərində 16 nəfər ölüb, 22 nəfər yaralanıb.
"Report" RİA "Novosti"yə istinadən xəbər verir ki, ölən və yaralananların hamısı dinc sakinlər olub.
Məlumata görə, bazar ertəsi təyyarələr neft terminalına zərbələr endirib, bir neçə mərmi neft və qazla dolu avtosisternlərə düşüb və nəticədə güclü yanğın baş verib.
Bundan əlavə, şəhərin şimal girişi də zərbələrə məruz qalıb.