Yuxarı

Ekvadorda dəyəri 250 milyon dollar olan kokain partiyası ələ keçirilib

Ekvadorda dəyəri 250 milyon dollar olan kokain partiyası ələ keçirilib
Narkotik maddə Avropaya daşınması üçün nəzərdə tutulub
© Business Insider

Bakı. 16 may. REPORT.AZ/ Ekvador polisi dəyəri təqribən 250 milyon dollar məbləğində qiymətləndirilən və 5,53 ton həcmində olan kokain partiyası ələ keçirib.

"Report" TASS-a istinadən xəbər verir ki, ölkənin Daxili İşlər Nazirliyi narkotik maddənin Avropaya daşınması üçün nəzərdə tutulduğunu bildirib.

Narkotacirlərin və onların yükünün ələ keçirilməsi üzrə əməliyyat mayın 12-də baş tutub. Kokain Ekvadorun "La Libertad" limanından çıxan və Panama kanalı vasitəsilə İspaniya yönələn yük gəmisində olub. Nəqliyyat vasitəsi limandan ayrılandan az sonra onu Sakit okeanda saxlayıblar. Hüquq-mühafizə orqanları əməkdaşlarının məlumatına görə, çoxmillətli gəmi ekipajı, eləcə də cinayətkar sindikatın başında dayanan İspaniya və Kolumbiya vətəndaşları saxlanılıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi