Ekvador sahillərində 6 bal gücündə zəlzələ olub

Bakı. 3 dekabr. REPORT.AZ/ Ekvador sahillərində 6 bal gücündə zəlzələ olub.

"Report" xəbər verir ki, bu barədə Avropa-Aralıq dənizi Seysmoloji Mərkəzi məlumat yayıb.

Məlumata görə, zəlzələnin episentri ölkənin Quayakil şəhərindən 197 kilometr şimal-qərbdə yerləşib. Zəlzələ ocağı dənizin 20 kilometr dərinliyində olub.

Hələlik tələfat və ya dağıntı barədə məlumat yoxdur.