Əfqanıstanda pərəncə geyinmiş taliblər 3 polisi öldürüblər

Bakı. 7 may. REPORT.AZ/ Əfqanıstanın qərbində yerləşən Herat əyalətində radikal "Taliban" hərəkatının silahlıları tərəfindən hazırlanan pusquya düşən 3 polis ölüb.

Bu barədə "Report" "İnterfaks"a istinadən xəbər verir.

Əyalət rəsmilərinin məlumatına görə, terrorçular qadın geyimi olan pərəncə geyinərək Zoval mahalında patrul həyata keçirən polisi güllələyiblər.