Əfqanıstanda azı 30 nəfər naməlum silahlılar tərəfindən oğurlanıb

Bakı. 28 fevral. REPORT.AZ/ Əfqanıstanda naməlum silahlılar azı 30 nəfəri oğurlayıblar.

“Report” “1TV”yə istinadən xəbər verir ki, hadisə fevralın 28-də səhər saatlarında Əfqanıstanın cənubunda olub.

İnsanlar Qəndəharla Uruzqan əyalətləri arasındakı avtomobil yolunda avtobusdan oğurlanıblar. Hadisənin təfərrüatı barədə məlumat yayılmayıb.

Oğurluğun məsuliyyətini Əfqanıstan ərazisində fəaliyyət göstərən heç bir terror təşkilatı üzərinə götürməyib.