​Əfqanıstanda antiterror əmliyyatı zamanı 6 hərbçi ölüb, 27 terrorçu zərərsizləşdirilib

Bakı. 21 may. REPORT.AZ/ Əfqanıstanın bir sıra əyalətlərində təhlükəsizlik qüvvələrinin keçirdiyi antiterror əməliyyatı nəticəsində bir sutkada azı 27 terrorçu zərərsizləşdirilib.

"Report" "RİA Novosti"yə istinadən xəbər verir ki, bu haqda Əfqanıstanın Müdafiə Nazirliyi məlumat yayıb.

Məlumata görə, zərərsizləşdirilənlərin çoxu "Taliban" hərəkatının silahlılarıdır. Onların arasında terrorçu İŞİD qruplaşmasının üzvləri də var.

İnformasiyada bildirilib ki, əməliyyatlar nəticəsində Əfqanıstanın 6 hərbçisi həlak olub.