Əfqanıstanda 70-dək silahlı məhv edilib

Bakı. 14 sentyabr. REPORT.AZ/ Son 24 saat ərzində Əfqanıstanda ordu və təhlükəsizlik qüvvələrinin aviasiyanın dəstəyi ilə keçirdiyi birgə əməliyyatlar zamanı azı 67 silahlı öldürülüb, 28 nəfər yaralanıb.

“Report”un Tolo News telekanalına istinadən verdiyi xəbərə görə, Əfqanıstan Müdafiə Nazirliyindən bildirilib ki, sözügedən müddət ərzində ümumiyyətlə, 12 hücum əməliyyatı icra olunub, Hərbi Hava Qüvvələri tərəfindən isə müxtəlif yerlərdə hökumətə qarşı vuruşan dəstələrin mövqelərinə 12 hava zərbəsi endirilib.