Yuxarı

Əfqanıstanda 100-dən çox adam "taliblər"in əsirliyindən azad edilib

Əfqanıstanda 100-dən çox adam "taliblər"in əsirliyindən azad edilib
Dörd silahlı məhv edilib, biri saxlanılıb

Bakı. 31 may. REPORT.AZ/ Əfqanıstanın xüsusi təyinatlı qüvvələri radikal "Taliban" hərəkatının nəzarətində olan həbsxanadan azı 105 nəfəri azad edib.

"Report" xəbər verir ki, bu barədə "Tolo News" telekanalı xüsusi əməliyyat hərbi bölməsinin bəyanatına əsaslanaraq məlumat yayıb.

Xüsusi təyinatlılar dünən gecə ölkənin cənubundakı Gilmənd əyalətinin Kacaki rayonunda əməliyyat keçiriblər. Azad edilənlərin hamısı dinc sakinlərdir, onlar arasında 5 qadın da var.

Məlumata görə, əməliyyat zamanı 4 silahlı məhv edilib, 1-i saxlanılıb, eyni zamanda 10 ədəd motosiklet müsadirə edilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi