Donald Tramp Kim Çen Inla seçkilərdən sonra görüşmək niyyətindədir

Bakı. 10 oktyabr. REPORT.AZ/ ABŞ prezidenti Donald Tramp Şimali Koreya lideri Kim Çen Inla Amerikada keçiriləcək aralıq seçkilərdən sonra görüşmək niyyətindədir.

"Report" "The Hill"ə istinadən xəbər verir ki, bu barədə Ağ Ev rəhbərinin özü jurnalistlərə bildirib.

"Mən sadəcə indi gedə bilmirəm", - deyə Birləşmiş Ştatların rəhbəri bildirib. 

ABŞ-da aralıq seçkilər noyabrın 6-da keçiriləcək.

Tramp daha əvvəl bildirib ki, ABŞ KXDR-lə sammitin keçirilməsi üçün 3-4 yeri nəzərdən keçirir.

Xatırladaq ki, dünən Kim Çen In Roma Papası Fransisk Koreya Xalq Demokratik Respublikasına (KXDR) dəvət edib.