Bakı. 30 oktyabr. REPORT.AZ/ ABŞ Prezidenti Donald Tramp keçmiş dövlət katibi, son seçkilərdəki rəqibi Hillari Klintonla 2020-ci il prezident seçkilərində yenidən üz-üzə gəlmək arzusundadır.
“Report” xəbər verir ki, D.Tramp bu barədə “Fox News” telekanalına müsahibəsində məlumat verib.
“O, xoşuma gəlir. Elə onların hamısı (Demokrat Partiyasından namizədlər – red.) xoşuma gəlir və aralarında başabaş gəlmək istəmədiyim kimsə yoxdur”.
Daha əvvəl H.Klinton da “Recode”ə müsahibəsində 2020-ci ildəki prezident seçkilərində namizədliyini irəli sürəcəyini istisna etməyib. Belə ki, sabiq dövlət katibi 2021-ci ildə Ağ Evə demokratın gəlməsi üçün əlindən gələni əsirgəməyəcəyini vurğulamışdı.