Yuxarı

Demokratlar yenidən Konqresdə Donald Trampı impiçment etməyə çağırıblar

Demokratlar yenidən Konqresdə Trampın impiçmentinə çağırıblar

ABŞ-ın Demokratlar Partiyasından Konqres üzvü Maksin Uoters bildirib ki, ABŞ prezidenti Donald Trampı impiçment etmək lazımdır.

"Report" "RİA Novosti"yə istinadən xəbər verir ki, bu barədə o, özünün "Twitter" sosial şəbəkəsində öz səhifəsində yazıb.

Maksin Uotersin sözlərinə görə, ona edilən müraciətlərin 90 faizi Trampın impiçmentinə dəstəklə bağlıdır. Uoters qeyd edib ki, hazırda demokratlar arasında Hüquq komitəsinin təşəbbüs etməli və öyrənməli olduğu impiçment haqqında qətnamə ilə bağlı fikir ayrılıqları var.

Martın 24-də məlum olub ki, ABŞ prezidenti Donald Trampın impiçmentinin prosedurunun işə salınması Rusiyanın 2016-cı ildə Birləşmiş Ştatlarda seçkilərə müdaxiləsi işi ilə bağlı xüsusi prokuror Robert Müllerinin araşdırılmasının başa çatmasından sonra mümkündür.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi