Con Kerri Bağdada elan olunmamış səfər edib

Bakı. 11 iyul. REPORT.AZ/ ABŞ dövlət katibi Con Kerri İraq paytaxtı Bağdada elan olunmamış səfər edib.

"Report" "RİA Novosti"yə istinadən xəbər verir ki, dövlət katibi İraqa ölkə rəhbərliyi ilə İŞİD terror qruplaşmasına qarşı mübarizə məsələləri üzrə danışıqlar aparmaq üçün gedib.

Səfər zamanı C.Kerri İraqın baş naziri Hayder əl-Abadi, xarici işlər naziri İbrahim əl-Cəfəri, İraq Kürdüstanı regional hökumətinin baş naziri Neçirvan Bərzani ilə görüşəcək.