Çində zəlzələ nəticəsində 220 nəfər təxliyyə edilib

Bakı. 4 yanvar. REPORT.AZ/ Cümə axşamı səhər Çinin cənub-qərbində yerləşən Siçuan əyalətində baş vermiş 5,3 maqnituda gücündə zəlzələ 2,6 min yerli sakinə təsir edib, 1 nəfər yaralanıb, 220 nəfər təhlükəsiz yerə təxliyyə edilib.

“Report” TASS-a istinadən xəbər verir ki, bu barədə əyalət hökumətinin məlumatında bildirilir.

Məlumata görə, yeraltı təkanlar yerli vaxtla 8.48-də İbin şəhər dairəsinin Qun qəzasında qeydə alınıb. Zəlzələnin ocağı yerin 15 km dərinliyində olub.