Yuxarı

Çində tabutu və dəfn mərasimini ləğv etməyə başlayıblar

Çində tabutu və dəfn mərasimini ləğv etməyə başlayıblar
© Deposit Photos

Bakı. 31 iyul. REPORT.AZ/ Çinin cənub-şərqindəki Tszyansi vilayətində səlahiyyətli şəxslər torpaq resurslarını qorumaq üçün "yalnız kremasiya" siyasətini həyata keçirmək məqsədi ilə tədbirlər görməyə başlayıblar.

"Report" RİA "Novosti"yə istinadən xəbər verir ki, bu səbəbdən yerli əhalidən hazır tabutlar zorla müsadirə edilib və ölülərin ənənəvi dəfn mərasimlərinə qadağa qoyulub.

Vilayət rəhbərliyi kremasiyanı (meyiti yandırmaq - red.) insan qalıqlarını məhvinin yeganə icazə verilən üsulu etmək niyyətindədir. Artıq bu qaydanın təbiqinin sentyabrdan icbari olacağı bildirilir.

Şandun vilayətinin rəsmiləri də ənənəvi dəfn mərasimlərinin keçirilməsini qadağan ediblər. Yeni siyasətə əsasən, ölülər kremasiyaya məruz qalmalı, onların yaxınları isə müvafiq prosedurların həyata keçirilməsini təsdiq edən sənədi təqdim etməlidirlər.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi