​Çində daş kömür mədənində faciə baş verib

Bakı. 31 yanvar. REPORT.AZ/ Şərqi Çində, Anxoy əyalətinin Suçjou şəhərində daş kömür mədənində 7 fəhlə ölüb.

"Report" "İTAR-TASS"a istinadən xəbər verir ki, onlar şaxtaya su dolması nəticəsində həyatlarını itirib.

Qəza baş verərkən, mədəndə 34 şaxtaçı olub və onların 27-si oradan yerin üstünə çıxıb.

Faciənin başvermə səbəbləri araşdırılır.