Bakı. 8 sentyabr. REPORT.AZ/ Şənbə günü Çinin cənub-şərqində yerləşən Yunnan əyalətində 5,6 maqnituda gücündə zəlzələ baş verib.
“Report” TASS-a istinadən xəbər verir ki, bu barədə Avropa Aralıq dənizi Seysmologiya Mərkəzi məlumat yayıb.
Bildirilir ki, zəlzələnin episentri əyalətin cənubundakı Szinxun şəhərindən 174 km şimal-şərqdə qeydə alınıb. Yeraltı təkanların ocağı 10 km dərinlikdə olub.
Hazırda dağıntı və tələfat barədə məlumat yoxdur.