Yuxarı

Çilidə təyyarə qəzası ilə bağlı matəm elan edilib

​Çilidə təyyarə qəzası ilə bağlı matəm elan edilib

Çili hökuməti ölkənin Hərbi Hava Qüvvələrinin Antarktida istiqamətində uçan "Hercules C-130" təyyarəsinin qəzaya uğraması nəticəsində heyət üzvlərinin və sərnişinlərin vəfatı ilə əlaqədar dekabrın 14-i və 15-ini ölkədə matəm günləri elan edib.

Bu barədə "Report" TASS-a istinadən xəbər verir.

"Hökumət ölkənin Hərbi Hava Qüvvələrinin "Hercules C-130" təyyarəsində həlak olmuş 38 nəfərin xatirəsini yad etmək üçün ikigünlük matəmi elan edib", - deyə hökumətin mətbuat xidmətinin xəbərində bildirilir.

Qeyd edilir ki, həlak olanların əzizlərlərinə həmrəylik əlaməti olaraq bütün ölkə üzrə bayraqlar endiriləcək.

Çilinin Hərbi Hava Qüvvələrinin komandanı Alberto Merino daha əvvəl bildirib ki, "Hercules C-130" təyyarəsinin qalıqları Dreyk boğazında tapılıb. 

"Hercules C-130 "təyyarəsi Çilinin Punta-Arenas şəhərindən ölkənin Antarktidadakı bazasına uçurmuş.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi