Bakı. 26 sentyabr. REPORT.AZ/ Çilidə 6,5 bal gücündə zəlzələ baş verib.
"Report" xəbər verir ki, bu barədə Almaniyanın Yerin Araşdırılması Mərkəzi məlumat yayıb.
Mərkəzin məlumatına görə, yeraltı təkanların episentri Çilinin La-Serena şəhərindən cənubda, sahilin mərkəzi hissəsi yaxınlığında qeydə alınıb.
Zəlzələnin ocağı 18 km. dərinlikdə olub.
Dağıntı və zərərçəkənlər barədə məlumat yoxdur.