Bakı. 19 fevral. REPORT.AZ/ Cənubi Sudanda BMT-nin mülki əhalinin müdafiəsi üzrə düşərgəsinə hücum zamanı 18 nəfər ölüb, daha 36 nəfər yaralanıb. Öldürülənlər arasında "Sərhədsiz həkimlər"in iki əməkdaşı da var.
"Report" xəbər verir ki, bu barədə humanitar təşkilatın saytı məlumat yayıb.
Zərərçəkənlərin ən azı 25 nəfərində güllə yarası aşkar olunub. Malakal düşərgəsində 40 minə yaxın insan var. Onların əksəriyyəti hər hansı bir yardımın olmadığı rayonlardan bura gəliblər.