Yuxarı
    Bağlamaq

    Cənubi Koreya yaxınlığında iki gəminin toqquşması nəticəsində ölənlərin sayı 13-ə çatıb - YENİLƏNİB

    Hazırda ərazidə axtarış-xilasetmə işləri aparılır

    Bakı. 3 dekabr. REPORT.AZ/ Sarı dənizin İnchon şəhəri yaxınlığında Cənubi Koreya bayrağı altında üzən balıqçı gəmisinin tankerlə toqquşması nəticəsində ölənlərin sayı 13 nəfərə çatıb. 

    "Report" xarici mətbuata istinadən xəbər verir ki, hazırda ərazidə axtarış-xilasetmə işləri aparılır. Axtarış və xilasetmə əməliyyatında 4 vertolyot və 14 gəmi iştirak edir.

    Hadisə nəticəsində həmçinin iki nəfər itkin düşüb. Hadisə zamanı gəmidə 22 nəfər olub. Zərərçəkənlərin vəziyyəti ağırdır.


    ***08:35

    Sarı dənizin İnchon şəhəri yaxınlığında Cənubi Koreya bayrağı altında üzən balıqçı gəmisinin tankerlə toqquşması nəticəsində yeddi nəfər ölüb, 6 nəfər yaralanıb.

    “Report” xəbər verir ki, bu barədə "Yonhap" agentliyi məlumat yayıb.

    Gəmidə 22 nəfər olub, iki nəfər itkin düşüb. Zərərçəkənlərin vəziyyəti ağırdır.

    Axtarış və xilasetmə əməliyyatında 4 vertolyot və 14 gəmi iştirak edir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi