Cənubi Koreya prezidenti KXDR-in Olimpiya oyunlarında iştirakı arzusunu alqışlayıb

Bakı. 2 yanvar. REPORT.AZ/ Cənubi Koreya prezidenti Mun Çje İn Koreya Xalq Demokratik Respublikasının (KXDR) fevralda Pxyonçxanda keçiriləcək Olimpiya oyunlarına nümayəndə göndərmək arzusunu alqışlayıb.

"Report" xəbər verir ki, bu barədə "Ryonxap" agentliyi məlumat yayıb.

"Biz Pxyonçxanda keçiriləcək Olimpiya oyunlarından sülh və Cənubla Şimal arasında münasibətlərin yaxşılaşmasına imkan kimi istifadə etmək təklifimizin razılaşdırılmasını salamlayır və qiymətləndiririk", - deyə o bildirib.

Daha əvvəl KXDR-in hakimiyyət orqanları Olimpiya oyunlarına nümayəndə göndərmək arzusunu ifadə edib.