Yuxarı
    Bağlamaq

    Castin Tryudo "Huawei"yin maliyyə direktorunun Kanadada həbsini şərh edib

    Bakı. 7 dekabr. REPORT.AZ/ Kanadanın baş naziri Castin Tryudo Çinin "Huawei Technologies" şirkətinin maliyyə direktoru Men Vançjounun Kanada ərazisində saxlanılmasına münasibət bildirib.

    "Report" xəbər verir ki, bu barədə "Global News" məlumat yayıb.

    Siyasətçi bildirib ki, o, bu barədə müvafiq hakimiyyət orqanları tərəfindən bir neçə gün ərzində məlumatlandırılıb.

    "Mən hamını əmin edə bilərəm ki, bizim ölkənin müstəqil məhkəmə sistemi və müvafiq hakimiyyət orqanları bu halda siyasi müdaxilə olmadan qərar qəbul edib", - deyə baş nazir bildirib.

    Tryudonun sözlərinə görə, o, bu məsələni beynəlxalq tərəfdaşları ilə müzakirə etməyib.

    Qeyd edək ki, daha əvvəl Kanadanın hüquq-mühafizə orqanlarının əməkdaşlarının Men Vançjounu saxlamaları barədə xəbər verilib. ABŞ onu ekstradisiya etmək istəyir. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi