Çadın keçmiş prezidentinə ömürlük həbs cəzası verilib

Bakı. 30 may. REPORT.AZ/ Çadın keçmiş prezidenti Xissen Xabreyə ömürlük həbs cəzası verilib.

"Report" BBC-yə istinadən xəbər verir ki, bu qərarı Seneqaldakı xüsusi tribunal qəbul edib. 

Çadın keçmiş rəhbəri döymə, zorlama, sifarişli qətllərdə ittiham olunub. Ümumilikdə, o, 1980-1990-cı illər ərzində 40 000 nəfərin qətlində günhlandırılır. X.Xabre bu ittihamları təkzib edib.

Bu, Afrika İttifaqı tərəfindən təşkil olunan məhkəmənin keçmiş prezidentə hökm çıxardığı birinci hadisədir.