Yuxarı

Britaniyanın baş naziri: "Skripalın vəziyyəti kritikdir"

Britaniyanın baş naziri: "Skripalın vəziyyəti kritikdir"
Tereza Mey: Ola bilər, onlar heç vaxt tamamilə sağalmasın
© REUTERS/Toby Melville

Bakı. 26 mart. REPORT.AZ/ Böyük Britaniyanın baş naziri Tereza Mey Rusiyanın Baş Kəşfiyyat İdarəsinin keçmiş əməkdaşı Sergey Skripal və qızı Yuliya Skripalın səhhəti barədə danışıb.

"Report" xəbər verir ki, bu barədə "RİA Novosti" məlumat yayıb.

Məlumata görə, baş nazir keçmiş kəşfiyyatçının vəziyyətinin kritik olduğunu bildirib. "Sergey və Yuliya Skripal xəstəxanada kritik vəziyyətdədirlər. Təəssüf, həftənin sonunda həkimlər dedilər ki, onların vəziyyəti yaxın vaxtlarda çətin ki, dəyişsin. Ola bilər ki, onlar heç vaxt tamamilə sağalmasın", - deyə baş nazir bildirib.

Daha əvvəl Rusiyanın Londondakı səfiri Aleksandr Yakovenko qeyd edib ki, Britaniya tərəfi Skripalın ikili vətəndaşlığı ilə əlaqədar onun səhhəti barədə məlumat verməkdən imtina edib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi