Braziliyada zavodda partlayış zamanı təxminən 30 nəfər xəsarət alıb

Bakı. 11 avqust. REPORT.AZ/ Braziliyanın Minas-Jerays ştatında güclü partlayış baş verib, təxminən 30 nəfər yaralanıb. 

"Report" xəbər verir ki, bu barədə "Globo" telekanalı xəbər məlumat yayıb.

Bildirilib ki, hadisəyə səbəb qaz balonlarının partlaması olub. Güclü partlayış İpatinqanın bir çox rayonlarında eşidilib. Bütün zavod işçiləri evakuasiya edilib, yaralılar isə xəstəxanaya yerləşdirilib. 

Faktla bağlı araşdırmalar gedir.