Bakı. 1 dekabr. REPORT.AZ/ Avropa İttifaqından (Aİ) Böyük Britaniyaya miqrasiya axınının səviyyəsi rekord həddə çatıb.
"Report" "Mirror" nəşrinə istinadən xəbər verir ki, Böyük Britaniya Milli Statistika Xidməti bu il təqribən 284 min nəfərin Aİ ölkələrindən Böyük Britaniyaya gəldiyini bildirib.
Ümumiyyətlə, 2015-ci ildə bu göstərici 265 minə çatıb. Bu ildə Birləşmiş Krallığa ümumi miqrasiya 650 min nəfər təşkil edib. Bu rəqəm ötən ilin göstəricisindən 11 min nəfər çoxdur.