Boliviyada baş verən toqquşmalarda 23 nəfər həlak olub

Boliviyada baş verən toqquşmalarda 23 nəfər həlak olub, daha 715 nəfər yaralanıb.

“Report” “TASS”a istinadən xəbər verir ki, bu barədə Amerika Dövlətləri Təşkilatı (ADT) yanında İnsan Haqları Komissiyası məlumat yayıb.

“Son bir gün ərzində polis və hərbi qüvvələrin güc tətbiqi nəticəsində doqquz nəfər ölüb, 122 nəfər yaralanıb. Ümumilikdə, ölkədə siyasi böhran başlayandan bu günə qədər ölənlərin sayı 23-ə çatıb, 715 nəfər xəsarət alıb”, deyə təşkilatın “Twitter” səhifəsində qeyd olunub.