BMT ​Ukraynada ölənlərin sayını açıqlayıb

Bakı. 12 yanvar. REPORT.AZ/ Ötən ilin aprelindən etibarən Ukraynanın şərqində azı 4 808 nəfər ölüb.

"Report" "İTAR-TASS"a istinadən xəbər verir ki, bu haqda BMT Humanitar məsələlərin Əlaqələndirilməsi üzrə İdarəsinin hesabatında bildirilib.

"2014-cü il aprelin ortalarından 2015-ci il yanvarın 6-dək ötən müddət ərzində Ukraynanın şərqində 4 808 nəfər ölüb (bura Ukraynada qəzaya uğramış Malayziyanın "Boing" sərnişin təyyarəsində ölən 298 nəfər də daxildir) 10 468 nəfər yaralanıb".

BMT-nin hesabatına əsasən 1 milyon 634 nəfər məcburi olaraq yaşayış yerini tərk edib.